تذكرني

سبحان الله وبحمده .. . عدد خلقه ... ورضا نفسه ... وزنة عرشه ... ومداد كلماته ،،،


منتدى الأدب والخواطر ساحة الأدب والخواطر

إضافة رد
 
أدوات الموضوع انواع عرض الموضوع
قديم 12-28-2009, 07:01 PM   رقم المشاركة : [1]
عثمان الشريف تنيبور

 

عثمان الشريف تنيبور is on a distinguished road
Sendpmonline سيناريو اليابسة



الهدهد
مخدوش الفضاء طويل الحزن
مفتول الحنين
مصاب
بالديانات والشرود
نوح

يبلغ من الطول
مسافة يشتهي الغرقان شهيق
لونو زي سرك تكلمبو الصديق
امو تتوحم علي طين البحر
قبال تقابل والدو صدفة علي الطريق
عمرو ستة شهور حلم
إانو الارض مسجونة في موية
وكل الناس مراكبية
اليابسة فركة
مدخورة لي يوم فيهو ساير، النيل
قطاع رحط كل الجزائر ، والبنات البفتحو الباب للمطر
وانا جدولك
شارف علي بعض الجناين الصاحية فيك
والغباش في دمي منك
لو كسر ضلعين عزرتو
لكـــــــــــــــــن ،،،،،،،،،
نهر كل العصافير البتلعب في الوريد ، وفناكي
جواي زي حجر ، والبينا مافات الدواير
الليل خمار القمرهـ
مجدوع في الفراغ
والرقصه للبت فينا
فوق كل المسادير الندقها في البساط
والرياح حكامة بي دلوكة مرقت الشياطين منها
إتجنن فقير الحلة
دقيناهو بي نفس السياط
كل المجرات
النيازك والشهب
ودع
راميهو الله علي السماء
والدنيا زار
وياهدهد هنا
مرت مراكب نوح محملة بالبخور
مين اللي شال
من طاقة الطين البعيد
قنديل حبيبتي
وطيب الجرح المثير
مين السرق من بابها مفتاحو الملون والصرير
منهوبة مقبرة الفاكه فيكي
قولي معايا ياشرف القبايل جـــــــــــــــــــــــــــــر
الشاف تباريح الطلح في النار

شافني مرقت من عندك ضرير

أنا ليه
تجيني الموية حفيانة
وأدنقر البسها في شبط أخضر
أبيت مبلول أصلح في رباط
أنا ليه
شبابيك البيوت الواجمة
والناس البساط
وليه بيرجاني النخل في السكة
يفتح قلبي خماره .............. وخلاوي .............. وبيت بكا
تعبت من المساسقة والهتاف
ياغيمة أتبني جبهة القمر

السهر والحمي طول الليل تهضرب
وياهدهد لقيت أمك
ترشرش في السعف من عينها ، وتجبر خاطرها المجبور عليك
ينكسر خاطر السعف في ايدها
ياهدهد قيام
من السماء الاول قيام
من السماء السابع قيام
وأنزل مسافة تهبشك غنوة
وأناولك كاس

ومرت مراكب نوح محملة بالملوك
ركعت علي الموج الجنود
من كل جندي تفوح ضحية
ودم مشتت في الابد
دسيت جبهتي من السجود
بكي في مخاض الخوف ولد
إشتبهوا فيني وراء الجبل
شافوني دسيت الهدهد بالزبد

صفاء

انتباه
وقعت من الهدهد بـــــلـد
نهبوها واتقسموا الحدود
ومرت مراكب نوح محملة بالطيور
واقف مع نوح الغراب
ينضم ويأشر في اتجاهـ
باقي الطيور يتوسوسوا
الأ الحمام يتوضأ مارق للصلاه
القانقرد في حزنو يغزل شاله من صوف
الطواويس شاره قمصانها المزركشه في الضحي
الزرازير بي عراريقها المغبشة جات علي
أرجيني ياصالحة
ومشيت في الموج
يا النبي نوح اصل سالم
يا النبي نوح اصل .............
حجر الدغش في الموية يقلع ضفري
يادم
دا ماوكت الرسم واللون
وجات المغارب
حننت ايدها ومشت
سبحانك الاديتنا من حزنك فوانيس

- الغراب يانوح طفش -
- واليابسة وين ؟ يالله مايبس سوي حلقي
المجرح بالدعاء
- طير ياحمام
-- الحمام يانوح يجامل في السماء
وبياع مناديل خضراء في كل العصور
- أنا ماخلقتك ياظنون
شان تبيتي الليل معاي ،
وتجري من فوقي الغطا
ماتشري في حبلي الوساوس
المعاني الداكنه
الليل والشتاء
الهدهد تميمه الموت معلق في
بيوت الناس نعش
من خرافاتن تعال
من دياناتن تعال
نفض نعاسك
من كل بيت من كل حجوة حكوها عنك
في الليالي البارده والاطفال نيام
مين يشتريني من الملوك
الخايده في الدم القديم
مين النبي القادم


من مكة
او من دكة
في شارع حميم
مين اليوصف للنحل ريق الحبيبة
وحبة القمح التقوم فوق محفضه حبوبه
في الزمن اللئيم

مزيدا من الطين يا أله
أبني خوفي عليك ومنك
أبني آخر بيت حرام

ومرت مراكب نوح محمله بالحجيج
- وين ولدك !!
- تركتو علي الجبل
- وين بلدك ؟
- ضربتها في مثل .
- وين نحن !!!
- مرقت علي عجل يانوح تخلينا !
- يانوح تخلينا !
زيتونك مخلل بالشمس
نار الله والرجل الغربيه
نحن البلاد الشاكيه جرحها للصديد
جاتنا القوافل بالضجيج
جرتنا من حلبة رقيص

ورتنا كيف صلبوا المسيح
كيف كتلوا الحسين
وبكينا اكتر منها
ساقتنا في الآخر عبيد
مين يشتريني من الملوك الخايده
في الدم القديم
مين اليوصف بيتنا لي هدهد قديم
ياهدهدي المهدود
مين هدهدك نمت
كل الطيور غنت
منك يجيني سكوت!
مين الهداك للناس
او هد فيك الموت
يا اوسم الجايين ، انا قلبي حله حنين
والشوف فتحني بيوت

ياصالحة
لا جنبك لافت منك فوت
دايما معلق بين
بين الحياة والموت
أدخل ضلام الناس
نورك يجيني خيوط
وقبال أقع في الضوء
جواك سندني خفوت
أنا برضي حلة شوق
لكني في التابوت
ومراكب نوح محمله بالعبيد

الجنة زي هدهد معلق في الكتاب
ونحن العبيد
باب الحياة السري
حرير في فكرة الدوده الموجعه
بالنسيج
صيوان عزاء نوح الكفن بالوعود

هدهد يرك فوق دفه المركب يدندن
الريح سكن خيمة حريمو الاربعه
النيل رجع في اللوحه
للوادي القديم
البحار مكتوفه الايدي
الشموس فاقت
ونوح يعاين في مفاتن اليابسه
تغسل في حصي ومتبرجة

سبحانك الاديتنا

من ملكك سلاطين
هاك انبياء سالمين
وأنزل مسافة توجعك غابه
رقيصنا الحي
طبولنا

وليك
شبال من اليابسه الممشطه
بالملح
وهــــــــــــــــــد هــــــــــــــــــــــــــــد
عثمان الشريف تنيبور غير متواجد حالياً   رد مع اقتباس
قديم 01-16-2010, 09:21 PM   رقم المشاركة : [2]
aymn

 

aymn is on a distinguished road
افتراضي رد: سيناريو اليابسة

مشكووووووووووور كلك زووووووووق
aymn غير متواجد حالياً   رد مع اقتباس
قديم 07-07-2012, 07:24 AM   رقم المشاركة : [3]
الشاذلي الشريف
مشرف
 

الشاذلي الشريف is on a distinguished road
افتراضي رد: سيناريو اليابسة


أنا ليه
تجيني الموية حفيانة
وأدنقر البسها في شبط أخضر
أبيت مبلول أصلح في رباط
أنا ليه
شبابيك البيوت الواجمة
والناس البساط
وليه بيرجاني النخل في السكة
روعة يا أبو عفان لكن مالك خليت المنتدى ؟؟؟
الشاذلي الشريف غير متواجد حالياً   رد مع اقتباس
قديم 07-07-2012, 09:00 AM   رقم المشاركة : [4]
ست الدار

 

ست الدار is on a distinguished road
افتراضي رد: سيناريو اليابسة

الهدهد
مخدوش الفضاء طويل الحزن
مفتول الحنين
مصاب
بالديانات والشرود
نوح
ست الدار غير متواجد حالياً   رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 03:09 PM


Powered by vBulletin® Version 3.8.7
Copyright ©2000 - 2014, Jelsoft Enterprises Ltd