تذكرني

سبحان الله وبحمده .. . عدد خلقه ... ورضا نفسه ... وزنة عرشه ... ومداد كلماته ،،،


منتدى الأدب والخواطر ساحة الأدب والخواطر

إضافة رد
 
أدوات الموضوع انواع عرض الموضوع
قديم 05-20-2011, 07:54 AM   رقم المشاركة : [1]
الشاذلي الشريف
مشرف
 

الشاذلي الشريف is on a distinguished road
افتراضي أجمل أنواع الرثاء هو الدوبيت

ومن اجمل ما قيل في الرثاء من شعر الدوبيت هذه المربعات الرائعه

ما استـَنـّيْتْ (عُـمَرْ) بَارَكْتْ ليهُ الحَجْ
خَلـّيْتْ ليهُ حُزْنـَاً ذَاتـُو مَا بِنـْفـَجْ
نِتـْلفـَّتْ نـَعَايِنْ وَيْنْ ضِيَانـَا وْنـُوُرْنـَا
نـَلقَ الحَالْ كَعَبْ وَالعَبـْرَة خَانـْقـَة صَبُوُرْنـَا
ما ودَّعْتـَنـَا وْسَافـَرْتَ غير مَا تـْشُوُرْنـَا
حُزْنـَاً صَادْنـَا مِنـَّكْ حَدُّو بـِبـْقـَي قـْبُوُرْنـَا
يا ودْ الْ مُحًالْ فوقْ فـَارغـَة ما بـِنـْجَرُّوا
حـُزْنـَا صَادْنـَا بالطـُّوُلَة الزَّمـَانْ ما بفِرُّو
يا الْ بِتـْصَادِفْ المِسْكِيِنْ بِتَكْشِفْ ضُرو
ليـْشْ في قـْلـُوبْنـَا سكَّنـْتْ الحُزُنْ بـ حَرُّو
فـِيِكْ نـِسْتـَغْفـِر اللَهْ وْبينـَا كَتـِرْ المـيـْلْ
يا المهَلْ الْ بـِبَلـِّجْ مِنْ ضِهُوُرْنا الشّيْلْ
يانـِسـلْ الرِّجَالْ أهَلْ الدِّرُوُعْ وَالخيْلْ
يا تـَالِي الصَّحَايِفْ في هَزَايْعْ اللّيْلْ
نـَبْكِيِكْ البِكَا الْ مَا بِكْرَهُو القـَيُّومْ
نـَبْكِيِكْ بالصَّبـُر لكِنْ حُزُنـَّا يْدُوُمْ
نـَبْكِيِكْ يا الْ مِثـَالَكْ في الرِّجَالْ مَعَدُوُمْ
يا الْ بالتـَّـقـْوَيَ سَوَّيت الفـَضَالَة هْدُوُمْ
نـَبْكْيِكْ يا الْ فـُرَاقـَكْ في القـِلـُوبْ حَارِقـْنـَا
يابـيـْتـْنـَا الْ بـِلِمْ ويِجْمَعْنـَا ما بـْفـَرِّقـْنـَا
نـَبْكِيِكْ البِكَا الْ ما بْجِيـِبْ غَضَبْ خَالِقـْنـَا
نـَبْكِيِكْ بالصَّبُر وَالوَجْعَة مَا تـْفـَارقـْنـَّا
نـَبْكِيِكْ يا الْ بِتـَفزَعْ للمِضِيِقْ مِتـْـلافي
نـَبْكِيِكْ يا الْ بِتـَصْلِحْ كُلَّ يومْ ؤتـْعَافِي
نـَبْكِيِكْ بالدَّمُوُعْ يا فيْضْ بَحَرْنَا الصَّافِي
نـَبْكِيِكْ بالقِلـُوبْ ؤبِكَيَ القِلُوبْ مُوُ كَافِيِ
كَبـِيرْنـَا الْ بـ حنـَانـُو بـْسِدْ مَحَلْ وَالديْنـَّا
نـَبْكِيِكْ بالدِّمُوُعْ مِتـْحَزِّنِـيِنْ يَا زينـَّا
نـَبْكِي بِكَيَ المِطُوُرْ فـَاقـْدِينْ وِجُوُدَكْ بيْنـَّا
يا ضَوْ الصَّبَاحْ الْ كَانْ بِنـَوِّرْ عيْنـَّا
الصَّلاة والتـِّلاوَة الْ في الهِجُوُعْ واوْرَادَكْ
في قـَبْرَكْ مَعَاكْ بِتـْوَنـَّسَنْ في رْقـَادَكْ
نفْسَكْ طَيْبَة والتـَّقـْوي المَكَمَّـلَة زَادَكْ
كَمْ أصْلَحْتَ كَمْ أفـْلَحْتَ بـ إرشَادَكْ
كَمْ سَنـَّدْتَ واقِعاً بالضُّعُفْ مَهَدُوُدْ
ؤكَمْ حَليْتْ قَوَاسِي وْ دَرْبَهِنْ مَسْدُوُدْ
فـَاقـْدِنـَّكْ كَتِيِرْ فـَقـْدَاً بَلا مَحَدُوُدْ
يا تـَالِي الكِتَـابْ وكْتْ الضَّلامْ مَمْدُوُدْ
صَدَقُواالْ قـَالـُوا يومْ رَحَلُواالْ بِعَدْلُوا الميْلْ
إنـْكَسَرْ المِرِقْ وِاتـْشَـتـَّتْ الضَّانـْقيْلْ
نـَبْكِي بـِكـَيَ المِطُوُرْ وَكْتيْنْ تـَسُوُقْ السّيْلْ
فـَاقْـدِيِنْ ذَاتـَـكْ الطـَّيبَة وْتـِلاوْة الليل
مَصْحَفـْنـَا وْ هُدَانـَا الْ بيهُ رَحْمَة دَارْنـَا
من يوموالْ خـَتـَرحُسْنْ الصَّبُرْ ما زَارْنَـا
خـَيِّرْنـَا الْ بـِشُوُرْ يوْمُو الرَّحَلْ مَا شَارْنَا
خَلـَّي العينْ مِجَدْوِلَة والدِّمُوعْ مِتـْـقَـارْنـَة
يا نفسي اللذيذ ما بتلقيلك ديمة
والمسافر بعيد ما بتنفعو التقديمة
يا وحة القلب المعايا قديمة
أبت ما تنفعك شربة حكيم لا عزيمة
الشاذلي الشريف غير متواجد حالياً   رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 04:21 PM


Powered by vBulletin® Version 3.8.7
Copyright ©2000 - 2014, Jelsoft Enterprises Ltd