تذكرني

سبحان الله وبحمده .. . عدد خلقه ... ورضا نفسه ... وزنة عرشه ... ومداد كلماته ،،،


منتدى الأدب والخواطر ساحة الأدب والخواطر

إضافة رد
 
أدوات الموضوع انواع عرض الموضوع
قديم 06-16-2011, 12:10 PM   رقم المشاركة : [1]
خالد محمد خير أحمد

 

خالد محمد خير أحمد is on a distinguished road
Thumbs up أبقي زي ما قلت ليك

ابقي زي ماقلت ليك مبتسمه في الزمن الحزين
محضونه بي نور القمر لابسه العفاف في كل حين
(أبقي زي ماقلت ليك)
ماعندي ليك غير الهوي وطمبور موتر بالحنين
أطفيبو نيران الجوي وأكتبو أغاني المتعبين
كان يحلم البايت القوا بالعيشي مابين مترفين
يوماتي بحلم بي لقاك لكنو كيف ياحسرة وين
(أبقي زي ماقلت ليك)
معاكي بحلم زي طفل نبني الرواكيب والبيوت
أروتي فوق ساقية قصب أسقيلك أحلام جات موت
من غير ظنون وبلا شروط نسكن بيوت العنكبوت
وأحلامنا نديها البحر تخطفه الموجه وتفوت
(أبقي زي ماقلت ليك)
ضاري الهموم بي طرحتك لا تفضحي السر الدفين
لو تجدي دمعات العيون كانت بقت فتحاً مبين
لي ناس بتستلف الصبر من بكره كان تحيابو دين
تترجي زمناً مابيجي راجاهو أجيال من سنين
(أبقي زي ماقلت ليك)
إبتسمي بتونس معاك وأقيفي زي مالحال وقف
وريني فلسفة الحياة لي ناس بتفرح بالصدف
لي ناس يحبو ومعدمين يتمنو عيشه بلا كلف
تتحقق أحلامن متين لامن يكحلم الخرف
(أبقي زي ماقلت ليك)
يوم قلت أسرق ليك فرح لومني همسك بالعظات
قلتي لي أرجع وبي وراي تاكيتي باب الموبقات
يكفيني إنك مؤمنه مغسوله بي أنبل صفات
كل المصائب والمحن فاتحاله صدرك بي ثبات
(أبقي زي ماقلت ليك)
بتوشحك لون قوس قزح ساعة تصب أمطار بكاي
ياواقفه مابين الرموش زي غيمة من حزني وفاي
من شوقي ليك رغم البعاد سامع وصات همسك وراي
ضاريهو همك بالفرح انا ماني لاقي فرح معاي
(أبقي زي ماقلت ليك)
ماتكلميني عن الهوي عن قصة الحب التضيع
مابين مشاوير الحياة سندان زمن قاسي وفظيع
رغم إنو درسني الصبر وخرجني لافي بلا وجيع
أجيال من العالم وراي ركبت قطارات النجيع
(أبقي زي ماقلت ليك)
نمرق يوهدبنا الرزق لكنها الارزاق نصيب
نرجع نخاف شبح الظلام والوحشه والليل الرهيب
ونتلاقا تضحكي من بعيد في الكتمه ضحكك همبريب
عفوا حبيبتي كما الطيور عايشين كفاف زمناً عصيب
(أبقي زي ماقلت ليك)
انا عهدي بيك إنسانه أقوي من الظروف
شيل الجبال شلتي الهموم والفاضله لاقالو الكتوف
ما إنت ياقبلة غناي ساعة الاغاني عليك تطوف
وصيها ماترجع عبث تشلع منارات للبشوف
(أبقي زي ماقلت ليك)
ضوي لي من بسمك بروق أتحسس السكة الامان
يلاكي نمشي علي عجل نمرق من الزمن الهوان
نغسل نفوسنا من المطر ونتعافه من رجس الزمان
وألقاك ونتلاقا الفجر في دنيا تاني كما الجنان
(أبقي زي ماقلت ليك)
نغني نملا الدنيا ريد وننشره في العالم غمام
نمطربو للأطفال فرح نعزفلهم لحن السلام
نزرعلهم بين القلوب شتل الولف والإبتسام
مالدينا أروع ماتكون وكتين نعيشه بلا خصام
(أبقي زي ماقلت ليك)
ابقي زي ماقلت ليك مبتسمه في الزمن الحزين
محضونه بي نور القمر لابسه العفاف في كل حين
(أبقي زي ماقلت ليك)
خالد محمد خير أحمد غير متواجد حالياً   رد مع اقتباس
قديم 06-16-2011, 12:56 PM   رقم المشاركة : [2]
ودالسيدة
مشرف
 


ودالسيدة is on a distinguished road
افتراضي رد: أبقي زي ما قلت ليك

يا ولدنا بكيتنا عدييييل بس برسلا من هنا لامراءة في غياهب الوعد وبقولها ابقي ذي ما قلتا ليك..
ودالسيدة غير متواجد حالياً   رد مع اقتباس
قديم 06-16-2011, 01:18 PM   رقم المشاركة : [3]
علي حامد شاطر
مشرف
 

علي حامد شاطر is on a distinguished road
افتراضي رد: أبقي زي ما قلت ليك

اقتباس:
ياواقفه مابين الرموش زي غيمة من حزني وفاي
من شوقي ليك رغم البعاد سامع وصات همسك وراي
ضاريهو همك بالفرح انا ماني لاقي فرح معاي
كلمات جميلة
من إنسان مرهف
التحيات النواضر عزيزنا ودالخير
علي حامد شاطر غير متواجد حالياً   رد مع اقتباس
قديم 06-16-2011, 02:45 PM   رقم المشاركة : [4]
خالد محمد خير أحمد

 

خالد محمد خير أحمد is on a distinguished road
افتراضي رد: أبقي زي ما قلت ليك

الإخ ود السيدة الله لا جاب الببكيك ومشكور على المرور الرائع .
أخ علي حامد شاطر منكم نستمد الرحيق فما نحن سوى نحلة تطوف في بستانكم النضير
خالد محمد خير أحمد غير متواجد حالياً   رد مع اقتباس
قديم 06-29-2011, 01:43 PM   رقم المشاركة : [5]
ودالسيدة
مشرف
 


ودالسيدة is on a distinguished road
افتراضي رد: أبقي زي ما قلت ليك

جزاك الله خير اخي خالد.
ودالسيدة مرا من هنا.
ودالسيدة غير متواجد حالياً   رد مع اقتباس
قديم 06-29-2011, 06:03 PM   رقم المشاركة : [6]
جعفربدرى
مشرف
 

جعفربدرى is on a distinguished road
افتراضي رد: أبقي زي ما قلت ليك

تسلم على الإختيار الجميل
وما اجمل مثل هذه الكلمات
لك عاطر التحايا والموده
جعفربدرى غير متواجد حالياً   رد مع اقتباس
قديم 06-29-2011, 06:08 PM   رقم المشاركة : [7]
جعفربدرى
مشرف
 

جعفربدرى is on a distinguished road
افتراضي رد: أبقي زي ما قلت ليك

ضوي لي من بسمك بروق أتحسس السكة الامان
يلاكي نمشي علي عجل نمرق من الزمن الهوان
نغسل نفوسنا من المطر ونتعافه من رجس الزمان
وألقاك ونتلاقا الفجر في دنيا تاني كما الجنان
(أبقي زي ماقلت ليك)


لك التحايا وانت تنثر مثل هذه الحروف الجميلة حولنا
تقبل المرور وخالص الموده .... لك خالد
جعفربدرى غير متواجد حالياً   رد مع اقتباس
قديم 06-30-2011, 12:58 AM   رقم المشاركة : [8]
برينسيسا
مشرف
 


برينسيسا is on a distinguished road
افتراضي رد: أبقي زي ما قلت ليك

بتوشحك لون قوس قزح ساعة تصب أمطار بكاي
ياواقفه مابين الرموش زي غيمة من حزني وفاي
من شوقي ليك رغم البعاد سامع وصات همسك وراي
ضاريهو همك بالفرح انا ماني لاقي فرح معاي

تسلم على الروائع
برينسيسا غير متواجد حالياً   رد مع اقتباس
قديم 07-01-2011, 01:45 AM   رقم المشاركة : [9]
الشاذلي الشريف
مشرف
 

الشاذلي الشريف is on a distinguished road
افتراضي رد: أبقي زي ما قلت ليك

يا ود محمد خير فيك الخير و الله يكتر ليك الخير و يسهل ليك السير و دمت ... تقبل مروري
الشاذلي الشريف غير متواجد حالياً   رد مع اقتباس
قديم 07-01-2011, 10:54 AM   رقم المشاركة : [10]
خالد محمد خير أحمد

 

خالد محمد خير أحمد is on a distinguished road
افتراضي رد: أبقي زي ما قلت ليك

أخونا جعفر بدري والرائعة برينسيسا والأخ الشاذلي الشريف مشكورين كتييييييير على المرور اللطيف والكلمات الرائعة ما عدمناكم .
خالد محمد خير أحمد غير متواجد حالياً   رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 02:15 AM


Powered by vBulletin® Version 3.8.7
Copyright ©2000 - 2014, Jelsoft Enterprises Ltd